A exposición chega ahora a Arxentina, país que acolle a 120.000 galegos, sendo unha lingua diferente á que coñeceron os emigrantes que deixaron Galicia buscando oportunidades mellores. A exposición amosará en Bos Aires o desenvolvemento de aplicacións informáticas e de ferramentas para os idiomas, os blogues, o teatro e a industria audiovisual.

Ademais, os arxentinos poderán apreciar secuencias sobre cine, publicidade e animación en galego, videoclips musicais, programas de televisión e radio feitos en Galicia. A presenza do galego no ciberespazo ten un papel destacado na mostra a través de diferentes recursos interactivos. A sociedade arxentina poderá comprobar neste percorrido a transformación acadada pola lingua galega e a súa adaptación aos novos tempos a ás tecnoloxías.

Lugo foi a última cidade que acolleu a exposición, entre o 23 de marzo e o 5 de abril. Durante estes días foron 1.200 persoas as que visitaron a mostra no Centro Social Uxío Novoneyra, entre os que figuran grupos de alumnos de diferentes institutos da provincia luguesa.

Desde o inicio da súa itinerancia, a exposición sobre o galego e a diversidade ligüística percorreu as cidades de Santiago, Vilagarcía, Bilbao, Bruxelas, Vigo, Madrid, A Coruña e Lugo.

A exposición estará no Espazo Casa da Cultura, pertencente ao goberno de Bos Aires, desde o 15 ata o 28 de maio. O horario de visitas será de martes a domingo de 14:00 a 20:00 horas.

Na súa intervención, a responsable autonómica defendeu "o importante papel que xoga a mocidade para garantir o futuro do plurilingüismo".

O acto inaugural contou coa actuación da cantante de hip-hop Aíd e coa presenza de alumnos do IES Perdouro de Burela, centro premiado este curso polo seu proxecto de innovación en materia de dinamización lingüística.

Durante a súa estadía en Lugo, a mostra incorporará unha instalación que lle permitirá ao alumnado de diferentes centros da provincia luguesa coñecer e poñer en práctica os segredos do mundo da dobraxe, ao mesmo tempo que realizarán unha visita guiada á mostra.

Tras acadar unha moi boa acollida ao seu paso por Santiago de Compostela, Vilagarcía de Arousa, Bilbao, Bruxelas, Vigo, Madrid, A Coruña e Sevilla, a exposición chega a Lugo para poñer en valor a aposta da mocidade polo galego en todas as facetas da súa vida.

No acto inaugural, Marisol López defendeu "o importante papel que xoga a mocidade no futuro do plurilingüismo". "Nos seus folgos está o porvir das linguas, a saúde do corpo vivo que constitúe o conxunto dos idiomas do planeta", dixo.

A responsable autonómica en funcións puxo á cantante de rap Aíd, que actuou ao remate do acto, como exemplo dunha vitalidade que tamén posúe o galego; e aludiou ao feito de que esta artista compón en galego e castelán como un símbolo de que "as linguas deben servir como instrumentos positivos de achegamento e comunicación, e non como armas arreboladizas entre iguais".

Tamén se referiu aos alumnos do IES Perdouro de Burela, convidados especiais á inauguraicón, como mostra dun compromiso activo do galego, "que entenderon a lingua como un instrumento vertebrador capaz de unir a xentes dispares, de achegar mundos diferentes e de construír unha realidade de progreso común". Este instituto de Burela é un dos centros galegos premiados no presente curso académico polo seu proxecto de innovación en normalización linmgüística.

Marisol López, que tamén tivo presentes no seu discurso aos intelectuais lugueses Manuel Piñeiro e Uxío Novoneyra, fixo un chamamento á implicación de toda a sociedade na defensa e protección do galego e do plurilingüismo co fin de evitar retrocesos nos logros acadados no proceso de normalización. "As linguas trouxéronnos ata onde estamos agora. Non é de sentido común construúir nin tolerar discursos de medo e rancor, nin tampouco permitir que, despóis de loitar tanto tempo por un exercizo libre dos usos lingüísticos, suprimindo as barreiras mentais e sociais que durante tanto tempo soportou o idioma galego e os seus falantes, se dea nin un só paso atrás nos logros sociais conseguidos. Só xuntos, unidos, podemos construír un país con futuro, esa é a mensaxe desa exposición".

Na inauguración tamén interviñeron o alcalde de Lugo, José López Orozco, e o coordinador da exposición, Anxo Lorenzo. Ao remate do acto, tivo lugar a actuación da cantante de hip-hop Aíd, gañadora do certame Heineken Greenpeace 2008.

Aíd interpretou dous temas do seu último traballo titulados "Non importa" e "Ai non", acompañada polo dj Liha e polo bailarín de breakdance Rubn (Inthecisos Crew).

Aposta da mocidade polo galego

O galego é un idioma vivo e, proba disto, é a aposta da mocidade por e empregar esta lingua como ferramente comunicativa no seu día a día.

Cantantas, músicos, escritores, actores ou estudantes novos escollen o galego para transmitir as súas inquedanzas persoais e artísticas.

Do mesmo xeito, cada vez son máis os concursos literarios e musicais, entre outras mouitas disciplinas, que , dirixidos a xente nova empregan o galego como nexo e distintivo. "As nosas palabras, os nosos mundos" faise eco destes valores e da importancia do plurilingüismo como garantía dunha convivencia global en harmonía.

Cabnina de dobraxe e visita de estudantes

Na súa estadía en Lugo, e tamén como un elemento máis para reforzar o compromiso da mocidade coa lingua propia de Galicia, a exposición contará cun atractivo máis concebnido como unha actividade de dinamización lingüística.

Trátase dunha instlación na que os alumnos de diferentes centros educativos da provincia de Lugo, aproveitando a visita guiada que farán á exposición, poderán coñecer de preto o proceso da dobraxe de producións audiovisuais.

Os participantes nesta inicitaiva recibirañan unha exlicación sobre esta técnica por parte de profesionais da dobraxe e poderán incluso realizar unah pequena práctica para poñerlles voz a algúns dos personaxes máis populares do panorama audiopvisual de Galicia.

Ata o momento, concertaron percorridos guiados catro institutos da provincia.

A cantante de hip-hop Aida Alonso, coñecida artisticamente como Aíd e gañadora do Heineken Greenspace 2008, ofrecerá dous temas pertencentes ao seu novo traballo discográfico. Alumnos do IES Perdouro de Burela, que é un dos centros galegos premiados neste curso polo seu proxecto de innovación en normalización lingüística, asistirán ao acto inaugural en calidade de convidados especiais.

Despois do seu percorrido por cidades como Santiago de Compostela, Vilagarcía, Bilbao, Bruxelas, Vigo, Madrid, A Coruña ou Sevilla, a mostra chega a Lugo, onde permacerá ata o 5 de abril. Os horarios de visita son: de luns a domingo, de 10.00 a 13:30 e de 16.30 a 21.00 horas.

Para afondar nos contidos da exposición, os profesionais dos medios de comunicación de Lugo poderán facer un percorrido guiado pola mostra ás 12:30 horas do luns, 23 de marzo, previo á inauguración.

A exposición retorna agora a Galicia, onde se poderá visitar en Lugo desde o 23 de marzo, data na que se inaugurará no Centro Social Uxío Novoneyra, ata o 5 de abril.

Nesta última cidade, a exposición “As nosas palabras, os nosos mundos”, que pon en valor o galego e o multilingüismo, permanecerá aberta de luns a domingo, en horario de 10.00 a 13.30 e de 16.30 a 21.00 horas. Nestes días, institutos lugueses xa amosaron o seu interese por realizar unha visita guiada con alumnos á mostra.

Contidos

A mostra convida o visitante a mergullarse nunha apaixonante singradura pola historia do galego a través da diversidade lingüística e permite facer ese percorrido polo pasado, presente e futuro das linguas dun xeito activo e ameno e da man dos máis diversos recursos e ferramentas tecnolóxicas.

“As nosas palabras, os nosos mundos” pódese visitar de forma completa en sete idiomas (galego, castelán, éuscaro, catalán, inglés, francés e neerlandés-flamengo). Outras 25 linguas están presentes na mostra a través de diversos elementos e conta con sistemas alternativos para persoas con discapacidade sensorial (visual e auditiva). 

 Distribución

A exposición estrutúrase en catro bloques temáticos: “As orixes”, “Isto é galego”, “As nosas palabras, os nosos mundos” e “A nosa lingua na nosa vida”. O módulo “As orixes” constitúe un achegamento ao nacemento da linguaxe, así como á evolución das canles de comunicación ao longo da historia da humanidade; nel tamén se ofrece información sobre as 20 familias lingüísticas existentes no mundo.

O módulo “Isto é galego” permite viaxar a través da historia do galego desde a Idade Media ata os nosos días, da man de personaxes e acontecementos culturais, sociais e políticos relevantes.

No espazo “As nosas palabras, os nosos mundos”, o visitante pode mergullarse na diversidade lingüística do planeta e coñecer o son de múltiples linguas a través dun xogo de escoita.

Por último, o módulo “A nosa lingua na nosa vida” amosa exemplos de recursos e usos da lingua galega nos diferentes ámbitos da sociedade.

Páxina web

En paralelo á exposición, ofrécese un percorrido a través de Internet no sitio web www.asnosaspalabras.org, o primeiro portal galego sobre diversidade lingüística, con información de interese sobre o galego e sobre a diversidade lingüística. A web pode visitarse en sete idiomas.

O acto de inauguración pechouse coa actuación musical da recoñecida cantante e instrumentista galega Mercedes Peón, investigadora da tradición musical e oral galega.

O horario de visitas é de martes a sábado de 10:00 a 14:00 horas e de 16:30 a 20:30 horas. Os domingos e festivos pódese visitar de 10:00 a 13:00 horas.

Marisol López, que estivo acompañada na rolda de prensa polo coordinador da exposición, o profesor da Universidade de Vigo Anxo Lorenzo, polo alcaide do Patronato do Real Alcázar e da Casa Consistorial, Antonio Rodríguez, e pola delegada de Cultura do Concello de Sevilla, Maribel Montaño, referiuse tamén á necesidade de formar cidadáns que dominen diferentes linguas, "necesarias no mercado laboral e no diálogo internacional, pero sen que isto supoña renunciar a nosa identidade colectiva e a nosa ferramenta natural de comunicación e de cohesión  social".

Ademais, a secretaria xeral de Política Linguística aludiu aos lazos existentes entre a cultura galega e a andaluza, "pontes tendidas polos mellores escritores, Eduardo Blanco Amor e Federico García Lorca, pontes que agardo que nos axuden a sentirmos cerca e a coñecernos cada vez mellor".

O acto de inauguración, no que intervirá tamén o alcalde de Sevilla, Alfredo Sánchez, e o coordinador da mostra, Anxo Lorenzo, contará coa actuación musical da recoñecida artista galega Mercedes Peón, como mostra da creatividade actual da cultura en lingua galega.

A mostra poderá visitarse no Real Alcázar de Sevilla ata o 1 de marzo de martes a sábado en horario de 10:00 a 14:00 e de 16:30 a 20:30; e os domingos e festivos de 10:00 a 13:30 horas.

A secretaria xeral de Política Lingüística, Marisol López, inaugurou hoxe no Kiosco Alfonso da Coruña a mostra itinerante "As nosas palabras, os nosos mundos", que permanecerá aberta ata o vindeiro 4 de xaneiro. Tras acadar unha moi boa acollida ao seu paso por Santiagode Compostela, Vilagarcía de Arousa, Bilbao, Bruxelas, Vigo e Madrid, a exposición chega á Coruña para reivindicar a creatividade galega e achegar a todos os visitantes a vitalidade da lingua galega na música, no cine, na televisión, na publicidade, nas artes plásticas e na literatura.

Marisol López explicou que a exposición "quere contribuír a dar a coñecer a creatividade que existe en galego hoxe; contribuír ao que para moitos, mesmo dentro de Galicia, segue a ser unha descuberta: que en galego hai boa literatura, boa música, desenvolvemento de aplicacións informáticas e de ferramentas para os idiomas, os blogues, o teatro e a industria audiovisual".

Na inauguración da mostra, a secretaria xeral avogou por que o galego siga recuperando os espazos dos que fora relegado historicamente, "e necesita facelo desde a valoración e o respecto á diversidade lingüísticaque hoxe se dá en todos os territorios, necesita facelo desde o convencemento de que é a nosa esencial ferramenta colectiva para a construción do diálogo social". Do mesmo xeito, apelou á consideración da lingua como "unha riqueza propia e un valor global nun mundo que só se sostén se entendemos que igual que é como unha riqueza propia e un valor global nun mundo que só se sostén se entendemos que, igual que é necesaria a variedade na flora e na fauna e o respecto polo ambiente, tamén é necesaria a diversidade na cultura e nas linguas".

Manifestacións da creatividade galega

A produción artística en Galicia acadou, nos últimos anos, un crecemento espectacular, que veu  acompañado do recoñecemento do público. Os visitantes á exposición poderán atopar secuencias sobre cine, publicidade e animación en galego,videoclips musicais ou puntos de escoita de música galega. A televisión e a radio tamén teñen cabida na mostra, coas producións audiovisuais máis significativas feitas en Galicia. Ademais, o percorrido expositivo dá conta da efervescencia do galego no ciberespazo, a través de pantallas onde consultar os principais recursos lingüísticos na rede, como tradutores automáticos, catálogos bibliográficos ou conversores de textos en voz.

Preténdese, en definitiva, ofrecer unha perspectiva ampla e amena sobre as manifestacións culturais, artísticas, musicais, literarias e publicitarias da creatividade galega.

Unha boa mostra desa creatividade púxose de manifesto na inauguración de hoxe, que contou coa actuación da artista galega Mercedes Peón. A música do seu último traballo discográfico,

Sihá,serviu de peche ao acto celebrado na Coruña.

Cabina de dobraxe e visitas de estudantes

Como novidade na súa estadía na Coruña, e ao fío da posta en valor da creatividade galega, a exposición contará cun atractivo máis, concibido como unha actividade de dinamización lingüística.

Trátase dunha cabina de dobraxe na que se poderá coñecer de preto o proceso de dobraxe das producións audiovisuais. Durante toda esta semana, os asistentes recibirán unha explicación sobre esta técnica por parte de profesionais da dobraxe e poderán incluso realizar unha pequena práctica para poñerlle voz galega a algúns dos personaxes máis populares do panorama audiovisual en Galicia. Na actualidade, xa están concertadas visitas de 17 institutos e centros de secundaria da Coruña.

Desde as orixes do galego ata hoxe

A exposición estrutúrase en catro bloques temáticos: "As orixes", "Isto é galego", "As nosas palabras, os nosos mundos" e "A nosa lingua na nosa vida". O módulo "As orixes" constitúe un palabras, os nosos mundos e A nosa lingua na nosa vida . O módulo As orixes constitúe un achegamento ao nacemento da linguaxe, así como á evolución das canles de comunicación ao  longo da historia da humanidade; nel tamén se ofrece información sobre as 20 familias lingüísticas existentes no mundo.

O módulo "Isto é galego" permite viaxar a través da historia do galego desde a Idade Media ata os nosos días, a través de personaxes e acontecementos culturais, sociais e políticos relevantes.

No espazo "As nosas palabras os nosos mundos" o visitante pode mergullarse na diversidade No espazo As nosas palabras, os nosos mundos , o visitante pode mergullarse na diversidade lingüística do planeta e coñecer o son de múltiples linguas a través dun xogo de escoita.

Por último, o módulo "A nosa lingua na nosa vida" amosa exemplos de recursos e usos da lingua galega nos diferentes ámbitos da sociedade.

Con motivo da inauguración no Círculo de Bellas Artes de Madrid da exposición"As nosas palabras, os nosos mundos ", a responsable autonómica de Política Lingüística aproveitou un almorzo informativo previopara defender o plurilingüismo como un valor positivo que facilita o diálogo, o respecto, a comprensión e a integración social. Neste contexto, sinalou que a promoción e o respecto pola diversidade lingüística é un dos retos que se plantexan na sociedade actual e que, na súa opinión, debe ser afrontado "con vontade de diálogo, capacidade de comprensión e un marco de traballo e acordo".

Marisol López indicou que en Galicia"a sociedade demanda consenso porque non percibe o plurilingüismo como un problema ", unha fotografía social que, segundo afirmou, está respaldada polos datos de uso e competencia lingüística en galego: máis do 99 por cento da poboación entende o galego e máis do 87 por cento fálao sempre ou con frecuencia.

Fronte aos discursos que presentan a pluralidade de linguas como un problema social, Marisol López apostou por traballar en positivo e con normalidade, para alcanzar unha maior igualdade social entre as linguas cooficiais.

Neste sentido, explicou que a Xunta de Galicia traballa para garantir un ensino de calidade, que facilite o dominio das dúas linguas oficiais e doutras, e lembrou que "o decreto de promoción do galego no ensino, actualmente en vigor, foi acordado por todos os grupos políticos e inspirado no Plan Xeral de normalización da lingua galega", polo que dixo non entender a que obedece a ruptura dese consenso por parte do PP.

Inauguración

Tras o encontro cos medios de comunicación, a secretaria xeral de Política Lingüística inaugurou a exposición, nun acto no que estivo acompañada polo secretario de Estado de Asuntos Constitucionais e Parlamentarios, Francisco Caamaño. Asemade, tamén asistiron á inauguración os secretarios xerais de Presidencia e Educación da Xunta de Galicia, Gumersindo Guinarte e Benito Fernández, e o director da Casa de Galicia en Madrid, Alfonso Sobrado Palomares, entre outras autoridades.

A exposición, organizada polo Goberno galego con motivo do Ano Internacional das Linguas e o Ano

Europeo do Diálogo Intercultural, chega a Madrid para promover o plurilingüismo e o uso do galego no marca da diversidade de linguas e na sociedade actual.

Visitas e itinerancia

A exposición"As nosas palabras, os nosos mundos" permanecerá aberta ao público no Círculo de Bellas Artes ata o vindeiro día 25 e poderá visitarse de martes a  sábado en horario de 11.00 a 14.00 e de 17.00 a 21.00 horas. Os domingos, o horario de visitas será de11.00 a 14.00 horas.

Antes da súa chegada a Madrid, esta mostra percorreu cidades como Santiago de Compostela, Bilbao, Vigo e Bruxelas e, tras a súa estancia na capital española, ten previsto desprazarse ata A Coruña, Barcelona,Sevilla, Pontevedra, Lugo, Bos Aires e Ourense.

Ademáis, de forma paralela á exposición itinerante, a  Secretaría Xeral de Política Lingüística puxo en marcha o sitio web www.asnosaspalabras.org, que é a primeira web galega sobre diversidade lingüística. Esta páxina web, que pode visitarse en sete idiomas, permite realizar unha visita virtual á exposición e dá acceso a información de interese sobre as linguas do mundo en xeral e sobre o galego, en particular.

A mostra promovida pola Secretaría Xeral de Política  Lingüística, co obxectivo de poñer en valor o galego e o plurilingüismo na sociedade actual, despedirá así na cidade coruñesa o Ano Internacional das Linguas e o Ano Europeo do Diálogo Intercultural. A exposición permanecerá aberta ao público todos os días. De luns a domingo, as visitas poderán realizarse de 12:00 a 14:00 horas e de 18:00 a 21:00 horas.

Na Coruña, que é a sétima escala que fará, “As nosas palabras, os nosos mundos” realizará unha aposta pola creatividade de Galicia para poñer de manifesto a alta calidade das producións en galego nas diferentes vertentes artísticas. Ademais terá lugar, por primeira vez, unha actividade de dobraxe dirixida a escolares, onde cada día o alumnado que visite a exposición poderá achegarse ás técnicas empregadas para dobrar ao galego os seus personaxes favoritos.

A exposición “As nosas palabras, os nosos mundos” permanecerá en Madrid desde o 19 ata o 25 de novembro, e poderá visitarse en horario de 11.00 a 14.00 horas e de 17.00 a 21.00 horas, de luns a sábado. Os domingos e os festivos, o horario será de 11.00 a 14.00 horas.  

Representantes de Google e Microsoft analizarán mañá martes en Vigo, ás 19:30 horas nas instalacións da Estación Marítima, a importancia de aplicar estratexias plurilingües como unha oportunidade de negocio no ámbito das novas tecnoloxías da comunicación e da información. Farano durante a celebración da xornada "A idade dixital do galego. Lingua, tecnoloxía e empresa", organizada pola Secretaría Xeral de Política Lingüística no marco da estancia en Vigo da exposición "As nosas palabras, os nosos mundos". Este encontro está aberto a todo tipo depúblicos.

A secretaria xeral de Política Lingüística, Marisol López, presidirá esta xornada, na que tamén intervirán odirector da Escola Técnica Superior de Enxeñeiros de Telecomunicacións da Universidade de Vigo, Xosé María Pousada; o director de Google Procura de Libros, Google Académico  e Google Arquivo de Noticias para España e Portugal, Luis Collado; e a xerente de Relacións Institucionais de Microsoft Ibérica, Montserrat Pardo.

A incorporación progresiva das diferentes linguas favorece a penetración das empresas tecnolóxicas nos mercados locais.

A aposta polo uso do galego nos produtos informáticos é hoxe unha realidade nas empresas punteiras de ámbitointernacional.

Durante esta semana e a seguinte, está previsto que visiten a mostra "As nosas palabras, os nosos mundos" preto de oitocentos alumnos pertencentes a unha decena de centros educativos de secundaria. Co fin de familiarizar os máis novos coa diversidade das linguas do mundo e mais coa propia lingua galega, a visita guiada acompáñase dunha unidade didáctica para profesores e alumnos.

A exposición permanecerá aberta ao público ata o 7 de novembro na Estación Marítima de Vigo, en horario de 10:00 a 14:00 horas e de 16:30 a 20:30 horas.

A Secretaría Xeral de Política Lingüística levará a cabo o martes en Vigo unha xornada baixo o título "A idade dixital do galego. Lingua, tecnoloxía e empresa ", no marco da exposición itinerante "As nosas palabras, os nosos mundos" na que participarán Google e Microsoft.

A secretaria xeral de Política Lingüística, Marisol López, o presidente da Autoridade Portuaria, Jesús Paz, e a concelleira de Educación, Laura López, inauguran hoxe, venres, ás 13:00 horas, na Estación Marítima, a exposición itinerante "As nosas palabras, os nosos mundos". En Vigo a mostra incidirá no plurilingüismo como unha oportunidade empresarial, xa que cada vez son máis os consumidores que reclaman ser atendidos en galego. Neste sentido, "As nosas palabras, os nosos mundos" pon de manifesto o uso da lingua galega como un valor engadido para mellorar a competitividade das empresas.

Para afondar nos contidos da exposición e no obxectivo da súa estadía en Vigo,  a secretaria xeral de Política Lingüística, Marisol López, e o coordinador da mostra, Anxo Lorenzo, realizarán un percorrido exclusivo pola mostra cos medios de comunicación.

A exposición, na que están presentes 32 idiomas, onsiste nun percorrido multimedia que se pode realizar en sete linguas (galego, éuscaro, catalán, castelán, inglés, francés e neerlandés-flamengo). Así mesmo, pódese visitar de maneira virtual no espazo web da exposición www asnosaspalabras org pódese visitar de maneira virtual no espazo web da exposición www.asnosaspalabras.org.

Tras a súa estadía en Bruxelas,a exposición da  Secretaría Xeral de Política Lingüística "As nosas palabras, os nosos mundos" chega á Estación Marítima de Vigo, onde permanecerá do 24 de outubro ao 7 de novembro. Na cidade olívica, a mostra incidirá no plurilingüismo como unha oportunidade de negocio, xa que cada vez son máis os consumidores que reclaman ser atendidos na súa lingua. Neste sentido, a mostra pon de manifesto o uso do galego como un valor engadido para mellorar acompetitividade das empresas.

As demandas dos usuarios levan ás empresas a cambiar as súas estratexias para abrirse paso nos mercados locais coa súa vocación global. Neste cometido, as novas tecnoloxías constitúen unha oportunidade. O galego conta xa con ferramentas como tradutores automáticos, dicionarios electrónicos ou contornos de traballo informáticos. Este é o eixo temático da xornada "A idade dixital do galego", que se realizará no marco da exposición o vindeiro 28 de novembro. Nela participarán representantes das empresas Google e Microsoft en España, moderados por Xosé María Pousada, director da Escola Técnica Superior de Enxeñeiros de Telecomunicación da Universidade de Vigo. No evento, analizarase a importancia do plurilingüismo no ámbito tecnolóxico como elemento xerador de novas oportunidades de negocio.

A exposición conta cun sitio web paralelo, www.asnosaspalabras.org,a primeiraweb galega sobre diversidade lingüística, que permite unha visita virtual á mostra e achegarse á información de interese sobre oalego e sobre as linguas do mundo. A web pódese visitar en sete idiomas.

Amplo apoio institucional en Bruxelas

"As nosas palabras, os nosos mundos" pasou xa por Santiago de Compostela, por Vilagarcía de Arousa, por Bilbao e por Bruxelas. Na capital europea estivo instalada nas dependencias da Dirección Xeral de Educación e Cultura da Comisión Europea, no Edificio Madou, onde traballan máis de 2.000 funcionarios. Alí, a mostra contou con amplo apoio das institucións europeas, encabezadas pola directora xeral de Educación da Comisión Europea, Odile Quintin, e polo comisario europeo de Multilingüismo, Leonard Orban.

Desde as orixes ata hoxe

"As nosas palabras, os nosos mundos", celebrada no marco do Ano Internacional das Linguas e do Ano Europeo do Diálogo Intercultural, permítelles aos visitantes achegarse ao galego e á diversidade lingüística a través de diferentes elementos visuais, gráficos e sonoros. A visita pódese realizar en sete idiomas –galego, éuscaro, catalán, castelán, inglés, francés e neerlandés-flamengo-, aos que se suman outras 25 linguas con presenza na exposición.

O punto de partida da mostra é "As orixes", que introduce o visitante no misterio do nacemento da linguaxe. A visita desemboca na "árbore das linguas", que axuda a entender a evolución histórica e a diversidade dos idiomas.

No módulo denominado "Isto é galego" o visitante pode descubrir a historia da lingua galega desde a Idade Media ata os nosos días.

Os contidos do terceiro bloque, que lle dá nome á exposición, apostan pola sustentabilidade lingüística e poñen en valor o plurilingüismo poñen en valor o plurilingüismo.

O último tramo da mostra, "A nosa lingua na nosa vida" é o que reflicte a importancia do galego nas novas tecnoloxías e no ámbito empresarial. Nel tamén se achegan exemplos da lingua galega noutros ámbitos dasociedade como a música, a literatura ou o cine.

De Vigo a Madrid

Despois de Vigo, Madrid será o seguinte destino desta mostra itinerante. "As nosas palabras, os nosos mundos" poderá visitarse no Círculo de Belas Artes en novembro Tamén poderá verse noutras cidades mundos poderá visitarse no Círculo de Belas Artes en novembro. Tamén poderá verse noutras cidades como A Coruña, Barcelona, Sevilla, Pontevedra, Lugo, Bos Aires e Ourense.

• A exposición da Secretaría Xeral de Política Lingüística permanecerá na Estación Marítima do 24 de outubro ao 7 de novembro

• No marco da mostra, celebrarase a xornada "A idade dixital do galego", na que representantes de Google e Microsoft analizarán a importancia da incorporación de estratexias plurilingües como oportunidade de negocio no ámbito tecnolóxico

• A exposición continúa a súa itinerancia, tras recibir en Bruxelas un amplo apoio institucional encabezado polo comisario europeo de Multilingüismo, Leonard Orban

A Secretaría Xeral de Política Lingüística desenvolveu o pasado 26 de setembro, Día Europeo das Linguas, unha campaña informativa na capital europea para dar a coñecer a vitalidade actual e o status da lingua galega.

A campaña consistía na distribución de material informativo producido en inglés e galego no que se daba conta da presenza do galego na UE e dos principais datos sobre a realidade lingüística en Galicia. Esta iniciativa novidosa tivo lugar no marco da exposición itinerante "As nosas palabras, os nosos mundos", que se pode visitar nas dependencias da Dirección Xeral de Educación e Cultura da Comisión Europea.

O galego na UE

Todas as persoas que o desexen poden, desde finais de 2005, dirixirse ás principais institucións europeas en galego. Na actualidade, é posible o uso do galego nas comunicacións coa Comisión Europea, co Consello da Unión Europea, co Comité Económico e Social e co Valedor do Pobo Europeo. Así mesmo, os representantes políticos de Galicia poden intervir oralmente en galego nas sesións e plenos do Consello da UE e do Comité das Rexións.

26 de setembro, Día Europeo das Linguas

O 26 de setembro celébrase o Día Europeo das Linguas, unha idea que provén do Consello de Europa para celebrar a diversidade lingüística europea e o plurilingüismo. A UE, como institución supranacional, é a organización máis políglota do mundo.

A mostra inaugurarase o luns, ás 12:30 horas, nun acto que contará coa presenza do Comisario Europeo de Multilingüismo, Leonard Orban.

A secretaria xeral de Política Lingüística da Xunta de Galicia, Marisol López, inaugurou o pasado 4 de setembro en Bilbao "As nosas palabras, os nosos mundos", unha exposición multimedia itinerante que ten como obxectivo promover a lingua galega e contribuír á valoración da diversidade lingüística mundial. No acto interviron o alcalde de Bilbao, Iñaki Azkuna; o viceconsejero de Política Lingüística, Patxi Baztarrika; e a vicepresidenta do Parlamento Vasco, Isabel Celaá.

No seu discurso, Marisol López destacou que o plurilingüismo constitúe un valor na sociedade actual, tanto na perspectiva humana como económica. "É unha aspiración de todas as comunidades de falantes que queiran estar no diálogo internacional. O plurilingüismo é construír pontes para xerar tránsito de ida e de volta".

En referencia á convivencia entre linguas engadiu que "o galego, como o éuscaro ou o catalán, son linguas con futuro, pero é que son ademais ferramentas para construír ese futuro sen darnos as costas a nós mesmos e, por suposto, da man das outras linguas do noso contorno que nos facilitarán o diálogo con outras comunidades de falantes". A secretaria xeral de Política Lingüística da Xunta tamén fixo alusión ao discurso mediático difundido ultimamente nalgunas cabeceiras do que dixo que "é unha mensaxe que pretende unha regresión no recoñecemento da diversidade lingüística en España, está fóra da realidade das nosas sociedades".

No marco do Ano Internacional das Linguas e o Ano Europeo do Diálogo Intercultural, "

As nosas palabras, os nosos mundos", quere ser unha fiestra para mostrar a lingua galega e para abrir as portas ao respecto á divesidade", sinalou Marisol.

Coordinada polo profesor Anxo M. Lorenzo, a exposición permanecerá aberta ao público desde o 4 ata o 12 de setembro en Zabalgune Araikina de Bilbao. A presentación da exposición contou coa participación do doutor en Socioloxía e Catedrático na Universidade do País Vasco, Bejamín Tejerina.

No marco do Ano Internacional das Linguas e o Ano Europeo do Diálogo Intercultural, este proxecto nace coa finalidade de divulgar a vitalidade da lingua galega, e promover o valor das linguas propias nun contexto global de pluralismo lingüístico, como garantía dunha boa convivencia social.

Catro bloques temáticos

A exposición estrutúrase en catro bloques temáticos: “As orixes”, “Isto é galego”, “As nosas palabras, os nosos mundos” e “A nosa lingua na nosa vida”.

Os primeiros pasos sobre o percorrido a través de “As orixes” introducen ao visitante no misterio do nacemento da linguaxe coas primeiras manifestacións de petróglifos e pinturas rupestres. A través de coreografías de sons, luces, sombras e transparencias vanse descubrindo as diferentes formas de comunicación humana ata desembocar na “Árbore das linguas”, un elemento que axuda a entender a evolución histórica e a diversidade dos idiomas, xa que do seu tronco saen 20 ramas que representan as vinte familias lingüísticas do mundo.

O espazo que dá título á exposición “As nosas palabras, os nosos mundos” pon en valor a riqueza que aporta a diversidade de linguas e culturas do planeta. Ofrece ao visitante a posibilidade de experimentar esta pluralidade mediante amenos xogos de escoita que permiten descubrir o son e caracterización das distintas linguas do mundo.

Os bloques temáticos “Isto e galego” e “A nosa lingua na nosa vida” permiten unha viaxe a través da historia do galego, as personaxes e acontecementos culturais, políticos e sociais relevantes, así como os usos e recursos da lingua galega nos diferentes

ámbitos da sociedade.

Itinerancia

Bilbao constitúe a terceira escala do percorrido itinerante desta exposición despois da súa presenza en Santiago de Compostela e Vilagarcía de Arousa. Tras o seu paso por terras vascas, “As nosas palabras, os nosos mundos” iniciará a súa proxección fóra de España trasladándose a Bruxelas onde contará co patrocinio institucional do comisario europeo de Multilingüismo. Posteriormente, a exposición visitará outras cidades como Vigo, Madrid, A Coruña, Barcelona, Sevilla, Pontevedra, Lugo, Bos Aires e Ourense.

Bilbao constitúe a terceira escala do percorrido itinerante desta exposición despois da súa presenza en Santiago de Compostela e Vilagarcía de Arousa.

Tras o seu paso por terras vascas, “As nosas palabras, os nosos mundos” iniciará a súa proxección fóra de España trasladándose a Bruxelas onde contará co patrocinio institucional do comisario europeo de Multilingüismo. Posteriormente, a exposición visitará outras cidades como Vigo, Madrid, A Coruña, Barcelona, Sevilla, Pontevedra, Lugo, Bos Aires e Ourense.

En Bilbao, que constitúe a terceira escala do percorrido itinerante, a mostra permanecerá no Zabalgune Eraikina desde o 4 de setembro, data na que terá lugar a inauguración oficial, ás oito da tarde, ata o día 12 dese mesmo mes. Nesta sala poderá visitarse todos os días, de luns a domingo, de 10.00 a 14.00 e de 16.00 a 20.00 horas.

Con posterioridade a Bilbao, "As nosas palabras, os nosos mundos" iniciará a súa proxección fóra de España. De feito, a exposición trasladarase a Bruxelas, onde se poderá percorrer nas dependencias da Comisión Europea entre o 22 de setembro e o 3 de outubro.

A folla de ruta da itinerancia da mostra inclúe escalas posteriores en Vigo, Madrid, A Coruña, Barcelona, Sevilla, Pontevedra, Lugo, Bos Aires e Ourense.

Contidos

A mostra convida o visitante a internarse nunha apaixonante viaxe pola historia do galego a través da diversidade lingüística e permite facer ese percorrido polo pasado, presente e futuro das linguas, dun xeito activo e ameno e da man dos máis diversos recursos tecnolóxicos.

"As nosas palabras, os nosos mundos" pódese visitar de forma completa en sete idiomas (galego, castelán, éuscaro, catalán, inglés, francés e neerlandés-flamengo). Outras 25 linguas están presentes na mostra a través de diferentes elementos e conta con sistemas alternativos para persoas con discapacidade sensorial (visual e auditiva).

Vilagarcía, 11 de agosto de 2008.- A secretaria xeral de Política Lingüística, Marisol López, inaugurou esta tarde no auditorio de Vilagarcía a mostra “As nosas palabras, os nosos mundos”, unha exposición multimedia itinerante sobre o galego no escenario mundial do plurilingüismo. Na segunda escala que fai esta iniciativa dentro dun percorrido que comezou en xullo pasado, a responsable autonómica fixo fincapé na conveniencia de preservar e protexer os piares que sustentan a diversidade cultural e definiu a mostra como un espello da realidade social de hoxe en día. “O plurilingüismo que aparece retratado nesta exposición é sinónimo de riqueza cultural”, subliñou Marisol López.

No acto de inauguración, tamén participaron a alcaldesa de Vilagarcía, Dolores García, e o coordinador de “As nosas palabras, os nosos mundos”, o profesor universitario Anxo M. Lorenzo. No auditorio municipal desta cidade pontevedresa, a exposición permanecerá desde hoxe ata o 24 de agosto. Poderá visitarse de luns a sábado, de 10:00 a 14:00 horas e de 16:30 a 20:30 horas. Os domingos estará aberta de 10:00 a 13:00 e de 19:00 a 21:00 horas.

A secretaria xeral de Política Lingüística apelou á necesidade de facer “un exercicio colectivo de implicación e responsabilidade” co obxectivo de que a lingua galega conquiste novos espazos de uso e reforce dese xeito o seu status social. “No escenario mundial do plurilingüismo no que habitamos, está na man de todos os falantes librar a batalla pola defensa e a promoción do galego, dentro do respecto polos demais idiomas cos que convive no universo da diversidade cultural”, engadiu.  

Convivencia tranquila

No acto celebrado hoxe en Vilagarcía, Marisol López amosouse partidaria de deixar a un lado as polémicas estériles e os discursos que só buscan enfrontamentos entre comunidades de falantes. “Que o plurilingüismo se consolide como un ben que convén preservar e protexer vai depender, en gran medida, de que sexamos capaces de analizar a realidade social fuxindo de ficcións e de polémicas baseadas na artificialidade; e de que traballemos con afán cara a unha convivencia tranquila dentro do marco do respecto común entre as diferentes linguas”, sinalou a secretaria xeral.

Pola súa banda, o coordinador da mostra, Anxo M. Lorenzo, explicou que, con esta iniciativa, o que persegue a Xunta de Galicia é “informar e sensibilizar sobre a diversidade, identificar as serias ameazas que penduran sobre moitas das linguas que hoxe existen e mostrar e pór en valor a vitalidade actual da lingua galega”. Logo explicou como se distribúen ao longo de 500 metros cadrados os catro módulos que compoñen a exposición “As nosas palabras, os nosos mundos”. Tamén remarcou o carácter itinerante desta iniciativa e, do mesmo xeito, fixo alusión a que, paralelamente, se puxo en marcha o sitio  www.asnosaspalabras.org, como un referente activo para difundir os valores da mostra. Esta web permite, ademais, realizar unha visita virtual pola exposición.

Contidos

“As orixes” é o punto de partida da exposición. Esta primeira parte do percorrido introduce o visitante no misterio do nacemento da linguaxe, coas primeiras novas sobre a súa orixe (petróglifos, pinturas rupestres...). A través de coreografías de sons, luces, sombras e transparencias descóbrense as diferentes formas de comunicación humana. A visita desemboca na “árbore das linguas”, que axuda a entender a evolución histórica e a diversidade dos idiomas, xa que do seu tronco saen as 20 pólas que representan as familias lingüísticas do mundo.

No módulo denominado “Isto é galego” o visitante pode descubrir a historia da lingua galega desde a Idade Media ata os nosos días, a través de personaxes e acontecementos sociais, culturais e políticos significativos.

Os contidos do terceiro bloque temático apostan pola sustentabilidade lingüística a través dun xogo de escoita que permite coñecer o son de múltiples linguas de orixe diversa. “As nosas palabras, os nosos mundos” pon en valor a diversidade lingüística do planeta, o valor do plurilingüismo e a riqueza da multiculturalidade.

Por último, “A nosa lingua na nosa vida” é unha ollada ao galego como lingua de creación nunha sociedade dinámica e produtiva. Aquí amósanse exemplos de recursos da lingua galega nos distintos ámbitos da sociedade (novas tecnoloxías, música, literatura, cine, ferramentas de traballo, etiquetaxe). 

Idiomas con presenza na mostra

A visita pódese realizar en sete idiomas –galego, castelán, catalán, éuscaro, inglés, francés e neerlandés-flamengo-, aos que se suman outras 25 linguas con presenza na exposición. Ademais, conta con sistemas alternativos para persoas con discapacidade sensorial (visual e auditiva).

A exposición sae de Galicia

“As nosas palabras, os nosos mundos” pechará as súas portas en Vilagarcía o 24 de agosto para emprender rumbo a Bilbao, onde permanecerá do 4 ao 12 de setembro. Con posterioridade, a mostra percorrerá outras cinco cidades galegas –Vigo, A Coruña, Pontevedra, Lugo e Ourense–. Tamén se instalará en Madrid, Barcelona e Sevilla, e visitará Bos Aires e as dependencias da Unión Europea, en Bruxelas, onde contará co patrocinio institucional do comisario europeo de Multilingüismo, Leonard Orban.

O coordinador da exposición “As nosas palabras, os nosos mundos”, o profesor universitario Anxo M. Lorenzo, foi o encargado de presentar hoxe, no Auditorio Municipal de Vilagarcía, os contidos e seccións nos que se dividen a web e a mostra, que invitan a facer un percorrido pola historia do galego no contexto da diversidade cultural do planeta e que buscan contribuír á difusión do plurilingüismo. No acto tamén participaron a alcaldesa e o concelleiro de Cultura de Vilagarcía, Dolores García Giménez e Xosé Castro Ratón, respectivamente.

Anxo M. Lorenzo destacou que o sitio www.asnosaspalabras.org  constitúe a primeira páxina web elaborada desde Galicia sobre a diversidade das linguas, e sinalou que a Secretaría Xeral de Política Lingüística pretende que este espazo na rede acade a condición de referente para a difusión dos valores da exposición itinerante “As nosas palabras, os nosos mundos”. Ao mesmo tempo, subliñou que o que se persegue é que a páxina de Internet permaneza activa unha vez rematado o percorrido itinerante da mostra. “En definitiva, a web converterase nunha exposición virtual permanente”, asegurou Anxo M. Lorenzo.

Visita virtual

A través desta páxina web pódese obter información sobre os contidos da exposición itinerante, datas e lugares nos que recalará, así como todas as novas relacionadas coa mostra. O sitio ofrece, ademais, a posibilidade de realizar unha visita virtual pola exposición e descubrir así contidos sobre o galego e as linguas que se falan no planeta.

Os internautas poderán mergullarse nunha viaxe polo mundo das linguas a través de catro bloques temáticos. O primeiro, “As orixes”, introduce o visitante no misterio do nacemento da linguaxe, coas primeiras novas sobre a súa orixe (petróglifos, pinturas rupestres...). A través de imaxes, sons, luces e animacións virtuais póñense ao descuberto as diferentes formas de comunicación humana, e faise referencia a que no mundo se falan máis de 7.000 idiomas organizados en 20 familias lingüísticas diferentes.

Na ligazón “Isto é galego” prodúcese a descuberta dos datos básicos da lingua galega. Trátase dun percorrido suxestivo pola historia do galego desde a Idade Media ata os nosos días, a través de personaxes e acontecementos sociais, políticos e culturais de relevancia.

O terceiro bloque temático, “As nosas palabras, os nosos mundos”, permítelles aos visitantes virtuais internarse na diversidade lingüística do planeta e achegarse á riqueza da multiculturalidade da man dos sons de múltiples linguas de orixe diversa.

Por último, “A nosa lingua na nosa vida” ofrécelle aos internautas a posibilidade de abrir unha fiestra ao galego visto como unha lingua de creación nunha sociedade produtiva. Neste bloque, amósanse exemplos de recursos da lingua galega empregados na literatura, no cine, na música e nas novas tecnoloxías, entre outros moitos ámbitos da sociedade.

A mostra en Vilagarcía

No acto celebrado esta mañá tamén se deron a coñecer os datos relativos á segunda escala que fai a exposición itinerante, logo do seu paso por Santiago de Compostela, onde a visitaron en xullo pasado preto de 1.000 persoas. A mostra multimedia “As nosas palabras, os nosos mundos” abrirá as súas portas no Auditorio Municipal de Vilagarcía o vindeiro luns e permanecerá nesta cidade ata o 24 de agosto. Nesta sala poderá visitarse de luns a sábado, de 10:00 a 14:00 horas e de 16:30 a 20:30 horas. Os domingos estará aberta de 10:00 a 13:00 e de 19:00 a 21:00 horas.

O acto oficial da inauguración terá lugar o luns, día 11 de agosto, ás 20:00 horas, e nel participarán a secretaria xeral de Política Lingüística, Marisol López; o coordinador da exposición, Anxo M. Lorenzo; e a alcaldesa de Vilagarcía, Dolores García.

Nun espazo expositivo de 500 metros cadrados, os visitantes poderán aproximarse ao galego e á diversidade lingüística do mundo dunha forma activa, experimental e sensitiva. A visita pódese realizar en sete idiomas –galego, castelán, catalán, éuscaro, inglés, francés e neerlandés-flamengo-, aos que se suman outras 25 linguas con presenza na exposición. Ademais, conta con sistemas alternativos para persoas con discapacidade sensorial (visual e auditiva).

A exposición, que se poderá visitar a partir do luns en Vilagarcía, organízase en catro ámbitos temáticos, que son os mesmos que se reproducen na web: “As orixes”, “Isto é galego”, “As nosas palabras, os nosos mundos” e “A nosa lingua na nosa vida”. O coordinador da mostra, Anxo M. Lorenzo, explicou que o que se pretende con esta iniciativa é “informar e sensibilizar sobre a diversidade, identificar as serias ameazas que perduran sobre moitas das linguas que hoxe existen e pór en valor a vitalidade actual da lingua galega”.

Itinerancia

Despois da súa escala en Vilagarcía de Arousa, a seguinte parada da exposición será Bilbao, onde permanecerá aberta desde o 4 ata o 12 de setembro. Con posterioridade, recalará noutras cinco cidades galegas –Vigo, A Coruña, Pontevedra, Lugo e Ourense– e tamén se poderá visitar en Madrid, Barcelona e Sevilla. A maiores, “As nosas palabras, os nosos mundos” chegará a Bos Aires e a Bruxelas, onde contará co patrocinio institucional do comisario europeo de Multilingüismo, Leonard Orban.

Mentres recalou en San Martiño Pinario, a exposición recibiu non só visitas individuais, que foron as máis numerosas, senón tamén de grupos. Entre os percorridos guiados rexistrados, estiveron os que realizaron os alumnos dos cursos de galego para estranxeiros que se inauguraron a comezos deste mes, antigos alumnos deses mesmos cursos que celebraron unha xuntanza en Santiago e responsables dos centros e cátedras da rede de proxección exterior do galego, que participaron nun encontro organizado por Política Lingüística que tivo lugar tamén en Compostela.      

Na segunda escala do seu percorrido, en Vilagarcía, a exposición “As nosas palabras, os nosos mundos”, que pretende poñer en valor o galego e o multilingüismo, poderá visitarse ata o 24 de agosto. Nesta cidade da provincia pontevedresa, a mostra permanecerá aberta todos os días. De luns a sábado, as visitas poderán facerse de 10:00 a 14:00 e de 16:30 a 20:30 horas. A maiores, a sala abrirá as súas portas os domingos, de 10:00 a 13:00 e de 19:00 a 21:00 horas.

A exposición “As nosas palabras, os nosos mundos” nace coa vocación de que Galicia se sume á celebración do Ano Internacional das Linguas e do Ano Europeo do Diálogo Intercultural e coa ollada posta nun claro horizonte, o de conseguir que o galego acade maiores cotas de prestixio e de implantación social, toda vez que persegue facer un recoñecemento ao plurilingüismo como garantía dunha convivencia plural e en paz.

Contidos

A mostra convida ao visitante a mergullarse nunha apaixonante singradura pola historia do galego a través da diversidade lingüística e permite facer ese percorrido polo pasado, presente e futuro das linguas dun xeito activo e ameno e da man dos máis diversos recursos e ferramentas tecnolóxicas.

“As nosas palabras, os nosos mundos” pódese visitar de forma completa en sete idiomas (galego, castelán, éuscaro, catalán, inglés, francés e neerlandés-flamengo). Outras 25 linguas están presentes na mostra a través de diversos elementos e conta con sistemas alternativos para persoas con discapacidade sensorial (visual e auditiva).  

Distribución

A exposición estrutúrase en catro bloques temáticos: “As orixes”, “Isto é galego”, “As nosas palabras, os nosos mundos” e “A nosa lingua na nosa vida”. O módulo “As orixes” constitúe un achegamento ao nacemento da linguaxe, así como á evolución das canles de comunicación ao longo da historia da humanidade; nel tamén se ofrece información sobre as 20 familias lingüísticas existentes no mundo.

O módulo “Isto é galego” permite viaxar a través da historia do galego desde a Idade Media ata os nosos días, a través de personaxes e acontecementos culturais, sociais e políticos relevantes.

No espazo “As nosas palabras, os nosos mundos”, o visitante pode mergullarse na diversidade lingüística do planeta e coñecer o son de múltiples linguas a través dun xogo de escoita.

Por último, o módulo “A nosa lingua na nosa vida” amosa exemplos de recursos e usos da lingua galega nos diferentes ámbitos da sociedade.

Páxina web

En paralelo á exposición, púxose a andar a primeira web galega sobre o multilingüismo, www.asnosaspalabras.org, que pretende converterse nun referente para a posta en valor da diversidade lingüística e que permite achegarse aos contidos da mostra itinerante que acaba de pechar as súas portas en Santiago de Compostela e que durante os vindeiros meses percorrerá outras 12 cidades. 

A mostra, que principia a súa andaina en Santiago de Compostela, percorrerá 13 cidades en 10 meses. Esta exposición nace no marco do Ano Internacional das Linguas e do Ano Europeo do Diálogo Intercultural declarados co obxectivo de preservar, defender e promover o plurilingüismo como valor na sociedade actual, tanto desde unha perspectiva humana como económica.

"As nosas palabras, os nosos mundos" fai un percorrido suxestivo pola historia da lingua galega e achega ao visitante a vitalidade do galego na actualidade a través de diferentes soportes gráficos, sonoros e audiovisuais.

 32 linguas nun percorrido multimedia

Nun espazo expositivo de 500 metros cadrados, os visitantes poderán descubrir ata 32 idiomas desde unha nova perspectiva: de xeito activo, experimental e multimedia. A exposición está organizada en catro bloques temáticos baixo os títulos: As orixes; Isto é galego; As nosas palabras, os nosos mundos; A nosa lingua na nosa vida.

No inicio do percorrido o visitantes intérnase no misterio do nacemento  da linguaxe e coñece as primeiras novas sobre a súa orixe (petróglifos, pinturas rupestres...). A través de coreografías de sons, luces, sombras e transparencias descóbrense as diferentes formas da comunicación humana. O percorrido desemboca na "Árbore das linguas", que axuda a entender a evolución histórica e a diversidade dos idiomas xa que do seu tronco saen as 20 ramas que representan as familias dos idiomas do mundo.

No módulo denominado "Isto é galego" prodúcese a descuberta dos datos básicos da lingua galega. Trátase dun percorrido suxestivo e activo pola historia ata os nosos días, a través de personaxes e acontecementos sociais, culturais e políticos.

O módulo que dá título á exposición "As nosas palabras, os nosos mundos" conciencia sobre a necesidade da protección sostible das linguas do mundo. O visitante descobre o son de múltiples linguas de orixe diversa a través de campás sonoras.

Por último, "A nosa lingua na nosa vida" é unha mirada ao galego como lingua creativa nunha sociedade produtiva. Aquí móstranse creacións e recursos da lingua galega nos distintos ámbitos da sociedade (novas tecnoloxías, música, literatura, cine, ferramentas de traballo, etiquetaxe...).